У публікацыі даецца азначэнне сінтаксічнай неадназначнасці; прадстаўлены і прааналізаваны тыпы канструкцый, выяўленыя на базе беларускамоўнага матэрыялу, якія мэтазгодна адносіць да аманімічных; устаноўлены прычыны ўзнікнення сінтаксічнай неадназначнасці розных тыпаў (няўдалы парадак слоў, няправільнае ўстанаўленне сінтаксічных сувязей паміж членамі сказа, няправільнае ўжыванне сінтаксічных залежнасцей, рознае чляненне сказа на складовыя часткі (сінтагмы), ужыванне слоў, марфалагічныя паказчыкі якіх супадаюць, і інш.). Высветлена, што неадназначнасць на сінтаксічным узроўні — з’ява шматгранная і вельмі распаўсюджаная, якая патрабуе далейшага вывучэння не толькі ў плане тыпізацыі, але і рэдагавання.
